🤖📚 Xogamos con Matata para descubrir a Begoña Caamaño

O alumnado do 1º ciclo de Educación Primaria achegouse á figura de Begoña Caamaño a través dunha divertida actividade de programación e robótica educativa.

Empregando o robot Matata e un taboleiro deseñado con imaxes relacionadas coa autora e coa súa obra, as nenas e os nenos tiveron que programar os percorridos do robot para chegar aos diferentes elementos do xogo. 

Ao longo da actividade, foron identificando e comentando os distintos debuxos, reforzando así os seus coñecementos sobre a homenaxeada das Letras Galegas.

Esta proposta permitiu traballar o pensamento lóxico e computacional, a orientación espacial, a resolución de problemas e o traballo cooperativo, combinando a tecnoloxía coa aprendizaxe da nosa lingua e da nosa cultura dun xeito dinámico, motivador e divertido.

 

 

✨ Unha homenaxe con moita cor 📚🎨

 

✨ Unha homenaxe con moita cor 📚🎨 

 

O alumnado do 1º ciclo de Educación Primaria participou nunha actividade creativa enmarcada na celebración das Letras Galegas. Para realizala, a titora empregou previamente a cortadora láser para elaborar as letras que compoñen o nome e o apelido da autora homenaxeada este ano, Begoña Caamaño.

 

Na aula, as nenas e os nenos encargáronse de pintar cada unha das letras, poñendo en práctica a súa creatividade e o seu gusto polo traballo artístico. 

 

Unha vez rematadas, as letras empregáronse para decorar o stand da radio escolar, escenario dun coloquio dedicado á figura e á obra de Begoña Caamaño. Deste xeito, o traballo realizado polo alumnado contribuíu a crear un espazo acolledor e significativo para unha das actividades centrais da celebración das Letras Galegas no noso centro. 

 

A través desta proposta, ademais de desenvolver a motricidade fina e a coordinación, achegáronse á figura da escritora dun xeito lúdico e participativo. 

 

 

 

🤖📚 Unha xornada de creatividade e tecnoloxía da man de Dismedia

O noso centro recibiu a visita da empresa Dismedia, que desenvolveu unha completa xornada de actividades dirixidas a todo o alumnado empregando o material do programa Polos Creativos, unha iniciativa moi vinculada á nosa Biblioteca Creativa por fomentar a aprendizaxe activa, a experimentación e o desenvolvemento da competencia dixital.

Ao longo da mañá, cada curso participou en propostas adaptadas á súa idade. O alumnado de Educación Infantil realizou unha actividade sobre o espazo empregando Makey Makey, mentres que o alumnado do 1º ciclo de Educación Primaria resolveu diferentes retos por recunchos utilizando os robots Photon e Matatalab.

Pola súa banda, o alumnado do 2º e do 3º ciclo de Educación Primaria participou en circuítos de actividades nos que puido experimentar coa programación e a robótica a través de Photon, Vincibot e Matatalab, superando distintos desafíos que esixían lóxica, creatividade, colaboración e resolución de problemas.

Foi unha experiencia moi enriquecedora na que a tecnoloxía se converteu nunha ferramenta para aprender xogando, espertando a curiosidade do alumnado e fomentando habilidades fundamentais para o seu futuro.

 

✏️🖊️ Deseñando en tres dimensións co bolígrafo 3D

O alumnado de 6º de Educación Primaria puxo a proba a súa creatividade, precisión e destreza nunha actividade na que empregou o bolígrafo 3D para dar vida aos seus propios deseños.

Como primeiro paso, cada alumno e alumna elaborou un bosquexo sobre papel, utilizando a regra e outros útiles de debuxo para conseguir un trazado preciso e ben proporcionado. Unha vez rematado o deseño, chegou o momento de repasalo co bolígrafo 3D, transformando as liñas do papel en creacións tridimensionais.

Esta actividade permitiu traballar a planificación, a orientación espacial, a motricidade fina e a paciencia, ao tempo que o alumnado experimentou cunha ferramenta innovadora que combina arte, deseño e tecnoloxía. Unha experiencia creativa que lles permitiu comprobar como unha idea pode pasar do papel ao volume grazas á impresión 3D manual.

 

"A caza do animal misterioso" 🐾🎯

 

Os nenos e nenas de Educación Infantil convertéronse en auténticos exploradores do mundo animal! 🐾🤖

A través de códigos QR escaneados coas tablets 📱, escoitaron diferentes sons de animais e tiveron que descubrir de cal se trataba. Unha vez identificado, guiaron o robot Verdín ata a imaxe correspondente situada no taboleiro e, ademais, buscaron as letras polas que comeza e remata o nome de cada animal 🔤🐘.

 Con esta actividade traballamos a escoita activa, a conciencia fonolóxica, a orientación espacial e a iniciación á robótica educativa dun xeito lúdico e motivador 🎯✨

 Aprendemos, investigamos e divertímonos moito nesta aventura tecnolóxica polo mundo dos animais! 🦁🎶

 

 

 

 

 

🤖🎭 Descubrimos o Entroido co Tale-Bot

O alumnado do 1º ciclo de Educación Primaria participou nunha divertida actividade de robótica educativa na que o protagonista foi o Tale-Bot.

Empregando un taboleiro con diferentes imaxes relacionadas co Entroido, as nenas e os nenos programaron o robot para que se desprazase ata o elemento indicado en cada reto. Durante o xogo, identificaron e comentaron distintos aspectos desta festa tradicional, reforzando o seu vocabulario e coñecendo mellor algunhas das súas costumes e símbolos máis representativos.

Con esta proposta, o alumnado desenvolveu o pensamento computacional, a orientación espacial, a secuenciación e a resolución de problemas, ao tempo que aprendeu dun xeito activo e lúdico sobre unha das celebracións máis importantes da nosa cultura. Una actividade na que a tecnoloxía e a tradición se deron a man para facer da aprendizaxe unha experiencia divertida e significativa.

 

 

Ebook de recetas de Entroido

Xa temos listo o noso ebook de receitas do Entroido! 

🎭🍽️📚

Con motivo do Entroido, convidamos ao alumnado e ás súas familias a compartir receitas típicas destas datas, elaboradas xuntos na casa e acompañadas, se querían, de fotos do proceso. O resultado é este libro cheo de tradición, sabor e momentos compartidos, que agora temos o pracer de presentarvos.

Queremos expresar o noso agradecemento ás familias que participaron, dedicando o seu tempo a cociñar cos seus fillos e fillas e a enviar as súas achegas. Sabemos que o ritmo diario non sempre facilita estas colaboracións, por iso valoramos especialmente a implicación nas actividades que fomentan o traballo e o desfrute en familia. Compartir experiencias coma esta axuda a fortalecer os vínculos e a manter vivas as nosas tradicións.

Agardamos que desfrutedes do ebook, que vos anime a preparar estas deliciosas receitas do Entroido e, sobre todo, a seguir creando recordos xuntos.

Feliz Entroido e bo proveito!