TABOLEIRO PARA ESCORNABOT

O alumnado de 5º E.P. está moi ilusionado co proxecto Biblioteca Creativa. Xa montaron os catro escornabots e agora, tomando como punto de partida o tema anual "Facemos camiños", están realizando os debuxos para  elaborar o primeiro taboleiro.

E aquí están coa mestra Bea, compoñente do equipo de biblioteca e coordinadora da actividade, escollendo temas para elaborar máis taboleiros.

MONTAXE DUN ESCORNABOT NA BIBLIOTECA (2º SESIÓN)

O xoves, 14 de xaneiro, o alumnado de 5º E.P. tivo a segunda sesión de formación para completar os pasos para montar o escornabot.

A xuntanza foi na biblioteca coa mestra Bea, compoñente do equipo de biblioteca e coordinadora da actividade. 

A sesión empezou cun dos pasos máis importantes: 

colocar a placa da botonera e os botóns. 

E xa estamos no último paso:

colocar as rodas!

Unha vez rematado o proceso, o alumnado puido comprobar o resultado do seu esforzo. 

E con moita ilusión e imaxinación  executaron as secuencias de movemento para desfrutar "escornaboteando".