🎨📚 A nosa biblioteca vista polos nosos artistas 🖍️✨

Este curso convidamos a todo o alumnado do centro, desde Educación Infantil ata Educación Primaria, a participar nun concurso moi especial: retratar a nosa biblioteca escolar a través dun debuxo. 🏫📖❤️

A proposta era totalmente voluntaria e tivemos a sorte de recibir numerosas obras cheas de creatividade, detalle e agarimo cara a un dos espazos máis queridos do cole. Cada participante plasmou a súa propia visión da biblioteca: os seus recunchos favoritos, os libros, as actividades, a mascota, as cores e mesmo os momentos especiais que vive nela. 🌈📚

A calidade dos traballos fixo que a elección fose moi complicada, pero finalmente seleccionouse unha obra gañadora en cada ciclo. 🏆👏

Queremos felicitar aos gañadores e gañadoras, pero tamén agradecer a participación de todo o alumnado que dedicou tempo e ilusión a esta actividade. Cada debuxo amosou que a biblioteca é moito máis ca un lugar con libros: é un espazo para aprender, crear, compartir e soñar. ✨📖💭

Moitas grazas a todos e todas por encher a nosa biblioteca de arte e de imaxinación! 💕🎨📚

 

 

🌸📸 A primavera a través dos nosos ollos 🌼🌿

 

🌸📸 A primavera a través dos nosos ollos 🌼🌿

Coa chegada da primavera, o alumnado de Educación Infantil converteuse nun auténtico equipo de fotógrafos e fotógrafas. 📷✨

Partindo da palabra PRIMAVERA, durante a asemblea foron pensando e elixindo palabras relacionadas con esta estación tan colorida e especial. Entre todos e todas decidiron que elementos da primavera querían buscar no patio para fotografar. 🌷🐞🌱☀️

Unha vez seleccionadas as palabras, saíron ao patio equipados coas cámaras Instax e puxéronse mans á obra. Observaron con atención a contorna, buscaron os elementos escollidos e sacaron fotografías de todo aquilo que lles lembraba á primavera. 📸🔍

De volta á aula, organizaron o noso material e elaboraron un mural colaborativo. Colocaron as letras da palabra PRIMAVERA, pegaron as fotografías correspondentes e escribiron as palabras que escolleran previamente. 🖍️✏️📷

O resultado foi un fermoso mural cheo de cor, imaxes e aprendizaxes que xa luce nun dos espazos do cole para que toda a comunidade educativa poida gozar del. 🌸💚 

 

📚❤️ O meu libro favorito tamén ten Instagram! 📸✨

📚❤️ O meu libro favorito tamén ten Instagram! 📸✨ 

Quen dixo que os libros non poden ter Instagram? 🤔

Aproveitando a celebración do día do libro, propuxémoslle ao alumnado unha actividade creativa moi divertida: imaxinar como sería unha publicación de Instagram do seu libro favorito. 📖📱

Para participar, cada nena e neno recibiu unha plantilla inspirada nesta coñecida rede social e tivo que debuxar nela o libro que máis lle gusta. 🖍️🎨

A través dos seus debuxos puidemos descubrir historias de aventuras, misterio, humor e fantasía, así como coñecer un pouco mellor os gustos lectores dos nosos alumnos e alumnas. 🌟📚

A actividade encheu o cole de cor e de lecturas recomendadas polos propios lectores e lectoras do centro. 💕📖

Parabéns a todos e todas pola vosa creatividade e por compartir os vosos libros favoritos connosco! 👏😊

 

"A caza do animal misterioso" 🐾🎯

 

Os nenos e nenas de Educación Infantil convertéronse en auténticos exploradores do mundo animal! 🐾🤖

A través de códigos QR escaneados coas tablets 📱, escoitaron diferentes sons de animais e tiveron que descubrir de cal se trataba. Unha vez identificado, guiaron o robot Verdín ata a imaxe correspondente situada no taboleiro e, ademais, buscaron as letras polas que comeza e remata o nome de cada animal 🔤🐘.

 Con esta actividade traballamos a escoita activa, a conciencia fonolóxica, a orientación espacial e a iniciación á robótica educativa dun xeito lúdico e motivador 🎯✨

 Aprendemos, investigamos e divertímonos moito nesta aventura tecnolóxica polo mundo dos animais! 🦁🎶

 

 

 

 

Ebook de recetas de Entroido

Xa temos listo o noso ebook de receitas do Entroido! 

🎭🍽️📚

Con motivo do Entroido, convidamos ao alumnado e ás súas familias a compartir receitas típicas destas datas, elaboradas xuntos na casa e acompañadas, se querían, de fotos do proceso. O resultado é este libro cheo de tradición, sabor e momentos compartidos, que agora temos o pracer de presentarvos.

Queremos expresar o noso agradecemento ás familias que participaron, dedicando o seu tempo a cociñar cos seus fillos e fillas e a enviar as súas achegas. Sabemos que o ritmo diario non sempre facilita estas colaboracións, por iso valoramos especialmente a implicación nas actividades que fomentan o traballo e o desfrute en familia. Compartir experiencias coma esta axuda a fortalecer os vínculos e a manter vivas as nosas tradicións.

Agardamos que desfrutedes do ebook, que vos anime a preparar estas deliciosas receitas do Entroido e, sobre todo, a seguir creando recordos xuntos.

Feliz Entroido e bo proveito!

 

 

Misión convivencia 🕊️

O alumnado de 6º de primaria participou nunha actividade de robótica centrada na convivencia e na resolución de conflitos 🤖💬

Cada equipo programou o robot para chegar a unha casilla cun número escollido. Detrás de cada número agochábase unha situación de conflito que podían atopar no seu día a día. A partir de aí, tiveron que analizar o problema, dialogar e propoñer diferentes solucións, poñendo en práctica estratexias de resolución pacífica de conflitos.

Con esta actividade traballamos a cooperación, a reflexión, a toma de decisións e a educación emocional, combinando a robótica educativa cunha aprendizaxe significativa e moi motivadora.

Aprender a convivir tamén pode ser un gran reto… e os nosos robots axudáronnos a conseguilo! ✨

 

 

 

 

 

 

Pequenos científicos en Educación Infantil! 🧪🌈

O alumnado de Educación Infantil converteuse estes días en auténticos exploradores da ciencia cunha actividade chea de curiosidade, sorpresa e moita diversión.

A través de varios experimentos sinxelos, os nenos e nenas puideron observar, facer predicións e descubrir que… a ciencia está en todas partes!

Estes foron algúns dos experimentos que realizamos:

 

🌲 Experimento 1: Que pasa se deixamos unha piña en auga?

Ao mergullar unha piña en auga, vimos algo incrible: pechouse pouco a pouco!

Aprendemos que isto ocorre porque a piña se pecha para protexer as súas sementes cando hai humidade.

 

🚢 Experimento 2: Todas as cousas flotan?

Probamos diferentes obxectos e fixemos unha gran pregunta: flotan todos na auga?

O alumnado comprobou que algúns si… pero outros afúndense!
Un experimento perfecto para empezar a entender conceptos como o peso e os materiais

 

 🍊 Experimento 3: Flotan igual as mandarinas con e sen pela?

Aquí chegou unha das sorpresas máis divertidas!

Metemos mandarinas e laranxas na auga:

✅ con pela… flotaban!
❌ sen pela… afundían!

Descubrimos que a pela ten aire no seu interior e actúa como un pequeno “chaleco salvavidas”.

 

 

💧 Experimento 4: Podemos sacar unha mandarina dun vaso sen tirar auga?

Este reto encantou ao alumnado:
é posible sacar unha mandarina dun vaso cheo sen derramar nin unha soa gota?

Probando con moito coidado e observando o nivel da auga, aprenderon que os obxectos ocupan espazo e desprazan a auga cando entran ou saen.

 

Foi unha experiencia marabillosa na que os nenos e nenas desfrutaron aprendendo, facendo preguntas e descubrindo o mundo a través da experimentación.

Porque en Infantil… a ciencia tamén se aprende xogando! 🌟🧡